Газаны қайта құру жоспары ұсынылды

Газа секторын қайта құруға 67 млрд доллар және 5 жыл қажет. Палестина әкімшілігі анклавты қалпына келтіруге 3 кезеңнен тұратын жоспар ұсынды. Ол араб және халықаралық сарапшылармен бірлесе жасалған. Екі жылдық соғыстан Газада 55 млн тонна үйінді қалған. Алдымен тазарту жұмыстарын жүргізу маңызды. «Рейтердің» мәліметіне сай, қарашада Мысырда Газа секторын қайта құруға қатысты конференция өтеді. Палестина әкімшілігі Газаны басқаруға жауапты заңды орган екені де айтылды. Таяу арада Газадағы атысты тоқтату келісімінің екінші кезеңі басталуға тиіс.