Бүгін Қазақстанның басым бөлігінде жаңбыр жауады

15 сәуірде Қазақстанның басым бөлігінде жаңбыр жауып, тұман түседі, деп хабарлайды newskaz.ru.

Ақмола, Қарағанды, Қызылорда облыстарында тұман болып, желдің екпіні 15-20 метр/секундқа жетеді.

Ал, Алматы, Жамбыл, Оңтүстік Қазақстан, Қостанай, Павлодар, Шығыс Қазақстан облыстарында желдің екпіні күшейіп, 15-23 метр/секундқа жетеді.

Маңғыстау, Солтүстік Қазақстан облыстарында түнде тұман түседі, деп болжануда.

Қазгидрометтің хабарлауынша, дәл қазір Астанада +4 градус жылы, тұман. Оңтүстіктен соққан желдің екпіні – 1 метр/секунд.