Қостанайда коалиция мүшелері мәдениет мамандарымен кездесті

Қостанайда өңірлік коалиция мүшелері мәдениет саласының мамандарымен кездесіп, Конституцияның жаңа жобасын талқылады. Ата Заңда ел дамуының негізі қағидаттары ретінде білім мен ғылымның, мәдениеттің бекітілуі – қоғамның рухани әлеуетін нығайтады деп сенеді сала өкілдері. Сондай-ақ жиында ұлттық құндылықтарды сақтау және мәдени мұраны қорғау мәселелері де сөз болды.

Ирина Аронова, өңірлік коалиция мүшесі:

Жаңа Конституция жобасында руханият, шығармашылық пен мәдениетті дамыту мәселелері жеке-жеке қарастырылған. Шығармашылық адамдардың құқықтары конституциялық деңгейде нақты айқындалып отыр. Сондықтан мәдениет және өнер саласы өкілдерінің мүмкіндіктері кеңейеді деп есептеймін.