Шымкентте жаңа спорт кешені ашылды

«Royal Club Fitness & SPA» спорт-сауықтыру кешені осы бағыттағы ұйымдардың ішінде люкс санатына жататын бірегей орталық. Жоба құны – 2,8 миллиард теңгені құрайды.

Аумағы 9 мың шаршы метрді құрайтын кешенде жаттығу залы, балалар фитнес клубы, топтық бағдарламалармен шұғылдануға арналған 8 зал, 4 SPA-кешені, 2 жүзу бассейні, футбол алаңы, мейрамхана және т.б. бөлімдері бар.

Мұнда 180 адам тұрақты жұмыспен қамтылған. Жаттығу залдарында «Life Fithess», «Techno Gym», «Hummer Strange», «Hoist rock it», «Precor» сынды әлемге танымал спорттық брендтердің кәсіби құрал-жабдықтары орнатылған.

otyrar.kz