Ұлытауда бір күнде 4 теміржол вокзалы пайдалануға берілді

Жаңарған нысандар Жезқазған, Қаражал қалаларында, Жаңаарқа ауданында және Қызылжар бекетінде орналасқан.

Жаңғыртылған вокзалдар заманауи талаптарға сай жабдықталып, жолаушыларға қолайлы әрі қауіпсіз жағдай жасауға бағытталған.

Жезқазған теміржол вокзалы 1941 жылы салынған. Ғимарат содан бері алғаш рет кешенді жаңғыртудан өтті. Жоба нәтижесінде вокзал аумағы 541 шаршы метрден 2,5 мың шаршы метрге дейін ұлғайтылды. Нысан бір мезетте 500-ге жуық жолаушыны қабылдап, тәулігіне шамамен 2 мың адамға қызмет көрсете алады.