![«Балапан» телеарнасы «Менің сүйікті мультфильмім» атты акция өткізеді](https://cdn.qazaqstan.tv/old/articles/4/article_47326.jpg?w=928&h=522&format=jpg&resize=aspectfill&g=center)
Бүгін Алматыда «Балапан» телеарнасы «Менің сүйікті мультфильмім» атты акция ұйымдастырады. Шара «Мега» сауда-ойын-сауық орталығындағы (Розыбакиев көшесінің бойында) «MARWIN» дүкенінде өтеді.
Акцияға қаладағы балалар үйінің бүлдіршіндері де қатысады. Олар «Балапан» телеарнасынан көрсетілетін «Әли мен Айя» мультхикаясындағы кейіпкерлердің суретін салып, бояйды.
Сондай-ақ, қуыршақ театрының аниматорларымен ойын ойнап, талантты балалардың өнерін тамашалайды. Мереке соңында «Балапан» телеарнасының арнайы сыйлығы үлестіріледі.
Отандық анимациялық өнімдерді кеңінен насихаттауға арналған шара сағат 11:00-де басталады.
Айта кетейік, телеарна ұжымы Елбасы Нұрсұлтан Назарбаевтың отандық өнімді қолдауға арналған «Қазақстанда жасалған» атты мемлекеттік жобасын іске асыру мақсатында «Менің сүйікті мультфильмім» атты акцияны өткізбек.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=«Балапан» телеарнасы «Менің сүйікті мультфильмім» атты акция өткізеді&mh_tags=Qazaqstan&mh_page=https://qazaqstan.tv/news/97010/)