Жаңалықтарды Telegram арнамыздан оқыңыз!Композитор, ҚР Президенті сыйлығының иегері Бейбіт Оралұлы бүгін «Таңшолпанда» қонақта болып, шығармашылығындағы жаңалықтарымен бөлісті.
«Таяуда өткен «Елім менің» Тәуелсіздік толғауы конкурсында бірінші орын алдым. Былтыр да жеңіске жеткенмін. Менің негізгі бағытым сол – көбіне конкурстарға арнап жазамын. Елімізде болсын, шетелде болсын түрлі байқаулардан қалмауға тырысамын»,-дейді композитор.
Кейінгі кездері халық алдына көп шыға бермейтін сазгер бұл турасында: «Халыққа берерің болса, айтар сөзің, жаңалығың болса шық, болмаса жөнсіз шыға берген артық»,-дейді.
«Әндерімді санауға қорқамын. 200-дей ән бар қоржында. Біреулер 500 деп жатады. Алайда, халықтың жүрегінен орын алған 50 шақты әнім бар».
Жас толқын композиторладың аяқ алысына қатысты Бейбіт Оралұлы: «Бүгінде заманға сай «халыққа ұнайды-ау» деген әндер көп. Бірақ, халықтың жетегінде кетпей, халықты жетелейтін де әндер керек. Той-томалақта айтылатын әндер де қажет. Халықаралық байқауларға тойдың әнін алып бара алмайсың, сол себепті кәсіби тұрғыда жазылған әндердің де болғаны дұрыс», деген пікірде.
Сұхбаттың толық нұсқасын «Таңшолпаннан» көре аласыздар.
