Астана кәсіпкерлерінің 54 пайызы әйелдер

Астанада 97 мыңнан астам бизнес өкілі болса,соның 54 пайызы әйелдер.Бұл туралы іскер әйелдер коференциясында«Атамекен» ұлттық кәсіпкерлер палатасы жанындағы іскер әйелдер кеңесінің төрайымы Ләззат Рамазанова мәлім етті.

Оның айтуынша көбіне қыз-келіншектер қызмет көрсету,сауда-саттыққа барады екен. «Astana Invest-2015» VI халықаралық инвестициялық форумы аясында ұйымдастырылған шараға бизнесте жүрген келіншектер өз жобаларын таныстырды. Конференция барысында Астана қалалық әкімдігі мен Іскер әйелдер кеңесі өзара әріптестік және келісім туралы меморандумға қол қойды. Тараптар елордада әйелдер кәсіпкерлігін дамытудың институционалдық негізін құру туралы келісім жасады.

Индира БЕГАЙДАР

Kaznews.kaztrk.kz