Желтоқсан айында елордада электр энергиясының тарифтері төмендетіледі

Астанада 1-31 желтоқсан аралығында алдағы мемлекеттік мерекелерге орай «Астанинская ЭнергоСбытовая Компания» ЖШС «Қазақстандық бизнеске қолдау көрсет» акциясын өткізеді. Акция ҚР Президенті шағын және орта бизнесті қолдау бойынша алға қойған міндеттер аясында ұйымдастырылып отыр. 

Шара аясында аталған компания бір айға электр энергиясының бағасын және тәулік аймақтары бойынша сараланған тарифтерді төмендетеді.

Заңды тұлғалар үшін электр энергиясының құны мен күндізгі аймақ тарифі ҚҚС-сыз 1-31 желтоқсанда 12,00 теңге/кВт*сағ, кешкі аймақ тарифі - 22,99 теңге/кВт*сағ, түнгі аймақ - 5,77 теңге/кВт*сағ болады.

Шара елордалық бизнестің өндірістік шығындарын қысқартуға мүмкіндік береді.