Светлана Подобедова Алматыда өтетін Әлем чемпионатына қатыса алмайды

Ауыр атлетикадан Әлемнің екі дүркін чемпионы, Олимпиада чемпионы Светлана Подобедова Алматыда өтетін Әлем чемпионатына қатыса алмайды.  

Қазақстан Ұлттық құрамасының жаттықтырушысы Алексей Нидің айтуынша, спортшы 5-қараша күнгі жаттығу кезінде  жарақат алған. Медициналық тексерістен кейін оның Әлем біріншілігіне қатыса алмайтыны анықталды.

Енді 75 келіге дейінгі салмақ дәрежесінде Светлана Подобедованың орнын Анна Нұрмұхамбетова алмастырады.

Еске сала кетейік, ауыр атлетикадан Әлем чемпионаты 8-16 қараша аралығында өтеді.