Жаңалықтарды Telegram арнамыздан оқыңыз!Елордада «Болашақ энергиясы: шығарылатын СО2 мөлшерін азайту» тақырыбындағы бірінші халықаралық форум аяқталды.
Шараға энергетика саласының 500-ден аса жетекші сарапшысы, ғалымдар, қоғамдық және үкіметтік емес ұйымдардың көшбасшылары, мемлекеттік сектор өкілдері қатысты.
Форумда «ЕХРО-2017» стратегиялық контентін әзірлеу қолға алынып, парниктік газдарды қысқарту, энергия тиімді технологиялар енгізу және тұрақты энергияға жалпы қолжеткізуді қамтамасыз ету мәселелері бойынша халықаралық диалог алаңы құрылды.
Сондай-ақ, форум аясында «Online EXPO-2017» халықаралық байқауын өткізу жөніндегі ынтымақтастық туралы меморандумға қол қойылды.
Ал, «Жасыл» экономика бойынша инновациялар мен жобаларды анықтауға бағытталған байқау ғаламторда өткізіледі.
