Әлем чемпионатына дайындық жоғары – Асхат Жіткеев

Астана дзюдодан әлемдік Гран-При кезеңін алғаш рет қабылдап отыр. Өткен жылы  мұндай  бәсеке Алматыда ұйымдастырылған еді. Елорда төріне әлемнің 40 шақты елінің үздік палуандары жиналды. Әсіресе, Германия, Бразилия, Ресей және Моңғолия кіл мықтыларын алып келді, дейді дзюдодан Бейжің Олимпиадасының күміс жүлдегері Асхат Жіткеев.

«Гран-При кезеңі алғаш рет ұйымдастырылып отыр. Ұйымдастыру деңгейі жоғары. Жарысқа қатысуға келген қонақтар жоғары бағалады. Бұл - 2015 жылы Астанада өтетін дзюдан Әлем чемпионатының дайындығы іспеттес. Үздік палуандар жиналды, өйткені бұл кезеңде рейтингтік ұпайлар беріледі. Ол арқылы Рио-деЖанейрода өтетін Олимпиада ойындарына лицензия алуға мүмкін бар», - дейді ол.