«Дала дауысы». «Дәстүрлі ән» номинациясы бойынша финалға жолдама алған үміткерлер анықталды

Қазақ радиосының төл туындысы – «Дала дауысы» радиофестиваліне «Дәстүрлі ән» номинациясы бойынша қатысқан үміткерлерге дауыс беру аяқталды. Финалға жолдама алған үміткерлер анықталды.

Айта кетейік, бұған дейін (25 қыркүйекте) интернет қолданушылар арасында көп дауысқа ие болған 5 үміткер келесі кезеңге өткен болатын. Бұл жолы тізімді Сыр сүлейлерінің жыр-термелерін нақышына келтіріп орындау арқылы тыңдаушысын тапқан Сәбит Дабылов толықтырды. Сондай-ақ, радиофестиваль ұйымдастырушыларының шешімімен үміткер Әйгерім Нартүйеева финалға жолдама алды.

«Дәстүрлі ән» номинациясы бойынша финалға жолдама алған үміткерлер:

Сәбит Дабылов – «Құмарын тарқат алқаның» термесімен;

Гүлмарс Аманбаева - «Қамшыгер» әнімен;                             

Күнсұлу Түрікпенова- «Қадірле ата-анаңды тірісінде» термесімен;        

Қайрат Кәкімов - «Үлкен айдай» әнімен;                                

Ақмарал Ноғайбаева – «Нартайдың нақыл сөзімен»;

Ардақ Исатаева -  «Інжу-маржан» әнімен;  

Әйгерім Нартүйеева – «Аяулым менің, арайлым менің» әнімен;