Жаңалықтарды Telegram арнамыздан оқыңыз!М. Әуезов театры жаңа режиссерлік жобалардың республикалық «Ашық сахна» атты байқау жариялайды. Бұл туралы театрдың баспасөз қызметі хабарлайды.
Байқаудың мақсаты - театрға жаңа буын режиссерлердің келуіне және белгілі есімдердің шығармашылық әлеуеттерінің жаңа қырынан ашылуына мүмкіндік тудыру. Жаңашыл идеяларды қолдау – жаңа шығармаларға, сондай-ақ белгілі драматургиялық шығармалардың жаңаша интерпретацияларына жол ашу.
Байқау екі кезеңнен тұрады:
1) режиссерлік жобаларды ұсыну -1 желтоқсанға (2014ж.) дейін
2) таңдалып алынған жобаларды қорғау – 1-10 желтоқсан аралығында (2014ж.)
Байқау нәтижесі 2014 жылдың 16 желтоқсанында шығады.
Байқау қорытындылары бойынша ең үздік деп танылған жоба режиссеріне спектакль қою ұсынылады және фестивальдарға қатысу мүмкіндіктері қарастырылады. Сондай-ақ, сәтті деген жоба театрдың перспективалық жоспарына енгізіледі.
