Әсеттің «Інжу-маржан» әні – «Дала дауысында»

ІІІ Халықаралық «Дала дауысына» «Дәстүрлі ән» номинациясы бойынша қатысатын үміткерлерге дауыс беру жалғасуда. Додада 19 үміткер бақ сынауда. Солардың бірі – Ардақ Исатаева.

Ардақ Исатаева радиофестивальге Әсеттің «Інжу-маржан» әнін ұсынып отыр. «Аққайың», «Аққұм» әндерін нақышына келтіріп орындау арқылы тыңдаушысын тапқан әншіге www.daladauysy.kaztrk.kz сайты арқылы дауыс бере аласыздар.

Айта кетейік, Ардақ Исатаева Құрманғазы атындағы Қазақ Ұлттық консерваториясының халық әні кафедрасының меңгерушісі. 1976 жылдың 2 желтоқсанында Жамбыл облысы, Сарысу ауданы, Калинин ауылында дүниеге келген. Қазақстан Республикасының Мәдениет қайраткері.