Илья Ильин Ақтауда өткен «Aktau Open Fest 2014» жарысына қатысты

Ақтауда екі күнге созылған «Aktau Open Fest 2014» шарасы барысында баскетболдан (3-ке 3 қарсы ойын) ҚР ашық чемпионаты өтті. Ұйымдастырушылардың мәліметінше, жарыстың басты жүлдесіне 600 мың теңге қойылған, деп хабарлайды ҚазАқпарат.

Сонымен қатар, шара барысында брейк-дэнс, воркаут, скейтболшылар жарысы өтті. Шараға Маңғыстау облысының әкімі Алик Айдарбаев қатысқан.

Барлық жарысты көруге Қазақстанның тұңғыш екі дүркін Олимпиада чемпионы Илья Ильин қатысты.

«Қазақстанда осындай спорттық шаралар сирек өтеді. Ақтауда спорттың дамуы қуантады», - деді Илья Ильин.