Жаңалықтарды Telegram арнамыздан оқыңыз!Бір шаңырақтағы үш бала. Әрқайсысының жеке көзқарасы, мақсаты бар. Бүгін Ұлттық арна эфирінен көрерменге жол тартатын «Қара шаңырақ» - үлкен шығармашылықтың топтың еңбегі.
Фильмдегі ағайындылардың әкесін сомдайтын актер Саят Мерекеұлы: «Бүгінгі күндегі өзіміздің тіліміздің, дініміздің, жөн-жосығымыздың, әдет-ғұрпымыздың, салт-дәстүріміздің барлығы, әкенің балаға, баланың әкеге деген, ананың балаға, ағаның ініге деген, інінің ағаға деген қарым-қатынастары – осы туындыда қамтылады»,- дейді.
Ал кейіпкерлердің анасының рөлінде ойнаған актриса Ғайникамал Байқошқарова: «Жалпы, актрисадан ана бейнесін сомдауды талап ету – үлкен жауапкершілікті қажет етеді. Қазір өзімді кинода ғана емес, шынайы өмірде де осылардың анасы ретінде сезініп жүрмін»,- дейді.
Тұтас фильмді түсіруге атсалысқан ұжымның туынды турасындағы ойын, актерлердің өз кейіпкерлері туралы сипаттамасын бүгін 17.00-де «Қара шаңырақ» фильмі туралы фильмнен тамашалай аласыздар.
