Қазақстанның кей аймақтарында бұршақ жауады

Бүгін елімізде ауа-райы құбылмалы болады, деп хабарлады ҚР Төтенше жағдайлар министрлігі.

Еліміздің солтүстік аймақтарында күндіз кей жерлерде күн күркіреп, тұман түсуі мүмкін. Желдің жылдамдығы секундына 15-20 метрге жетеді. Ал Шығыс Қазақстан облысында бұршақ жаууы ықтимал. 

Оңтүстік Қазақстан облысының кей аймақтарында жел 15-20 м/с күшейеді. Ал Қазақстанның батысы мен Қостанай, Қарағанды облыстарында аптап ыстық болуы ықтимал. Маңғыстау облысының кей жерлерінде күн күркірейді, желдің жылдамдығы 15-20 м/с жетіп, күндіз құмды дауыл болады деп күтілуде.