![Андрей Голубев Германияда өтіп жатқан турнирге қатысуда](https://cdn.qazaqstan.tv/old/articles/3/article_37873.jpg?w=928&h=522&format=jpg&resize=aspectfill&g=center)
Германияның Брауншвейг қаласында жүлде қоры 106,5 мың еуроны құрайтын теннис турнирі басталды. Бұл турнирде қазақстандық теннисші Андрей Голубев ширек финалға шықты.
Голубев екінші айналымда неміс Максимилиан Мартерерден 6/4, 6/2 есебімен басым түсті. Бұған дейін, ол бірінші айналымда италиялық Маттео Виоланы 6/4, 6/4 есебімен жеңген еді.
Қазақстандық теннисші ширек финалда неміс Филип Петцшнермен кездеседі. Ол екінші айналымда Томас Беллуччиден 7/6, 6/3 есебімен айласын асырды.
Ширек финалға шыққаны үшін Андрей Голубев 3 мыңнан астам еуро мен АТР рейтингінде 25 ұпайға ие болды.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Андрей Голубев Германияда өтіп жатқан турнирге қатысуда&mh_tags=Qazaqstan&mh_page=https://qazaqstan.tv/news/87546/)