Жанкүйерлер Вашингтон әуежайына қақпашының есімін беруді ұсынды

АҚШ үкіметіне Вашингтондағы Рональд Рейган атындағы әуежайды футболдан ұлттық құраманың қақпашысы Тим Ховардтың есімімен ауыстыру жөнінде өтініш жасалды.

Los Angeles Times газетінің хабарлауынша, мұндай петиция Ақ үйдің ресми сайтында орналастырылған.

Өтініш билікке жету және оған міндетті түрде жауап алу үшін үкімет сайтында бір айдың ішінде 100 мың қол жинауы тиіс.

Естеріңізге сала кетейік, АҚШ құрамасының қақпашысы Тим Ховард футболдан Әлем чемпионатының 1/8 финалында Бельгиямен өткен ойынның басты қаһарманы атанды. Ол қақпаға бағытталған 17 соққының 15-ін қайтарған.

Айта кетейік, бұл ойында Бельгия футболшылары 2:1 есебімен жеңіске жетіп, ширек финалға өтті.