Басты Жаңалықтар Белгілі түркологтар – Түркі академиясында

Белгілі түркологтар – Түркі академиясында

11.04.2014 09:36

Бүгін Астанадағы Түркі академиясында ғылым қызметкерлері күні қарсаңында еліміздің белгілі ғалымдары және қоғам қайраткерлері бас қосты. Бұл туралы Түркі Академиясы баспасөз қызметі хабарлады.

Дөңгелек үстел басында М.Жолдасбеков, Қ.Сұлтанов, О.Смағұлов, С.Қасқабасов, Н.Оразалин, З.Самашев, Қ.Салғарин, Ә.Ахметов, А.Смайыл, Б.Аяған, Ғ.Есім сынды зиялылар мен сала білгірлері жалпы түркітанудың бүгіні мен ертеңіне қатысты ойларын ортаға салды.

Биыл 75 жасқа толып отырған тарихшы, профессор Қойшығара Салғараұлы түбі бір түркі халықтарының рухани-мәдени мұраларын зерттеу, насихаттау және түркология ғылымын дамыту жолындағы көп жылғы еңбегі үшін Түркі академиясының құрмет грамотасымен марапатталды.

Бөлісу