Жаңалықтарды Telegram арнамыздан оқыңыз!Поэзия әлеміне алғаш келгенінен бастап, бүгінгі қазақ поэзиясының падишасы атанып, бүкіл өмірін шығармашылыққа арнаған Фариза Оңғарсынованың мол мұрасы Қазақстан Республикасы Ұлттық кітапханасы қорында сақталған.
Кітапхана қызметкерлері: «Ол кісінің өлеңдеріне, жыр жинақтарына сұраныс өте көп. Былтыр «Бір ел, бір кітап» республикалық акциясы аясында ақынның «Дауа» атты жыр кітабы халықтың жаппай оқитын кітабына айналды»,-дейді.
Ұлттық кітапхана қорынан ақынның тырнақалды кітабы «Сандуғаш» атты өлеңдер жинағын, «Лениншіл жас» газетінде 1969 жылы жарияланған «Жел соғып тұр» атты мақаласын, бір кездері өзі қызмет істеген «Пионер», «Балдырған» журналдары мен «Лениншіл жас» газетінде шыққан очерктері мен сұхбаттарын да табуға болады.
