Басты Жаңалықтар «Америкалық БАҚ аудиториямен жақсы жұмыс істейді»

«Америкалық БАҚ аудиториямен жақсы жұмыс істейді»

03.03.2014 11:26

Л.Гумилев атындағы Еуразия Ұлттық университеті журналистика және саясаттану факультетінің доценті Айтмұхамбет Оразбаев «Таңшолпанда» қонақта.

Жақында Колумбия университетінің Гарриман институтында бір жылдық тәжірибеден өтіп келген маман: «Ол жақтың бізден айырмашылығы – біз Американың кредиттік оқыту жүйесін алдық. Оған Еуропадан көрген өзгерістерді салып жатырмыз. Бұл бір жағынан дұрыс та шығар, бірақ, менің ойымша, өзіміздің дайын жүйемен оқытсақ, тіпті керемет болар еді»,-дейді.

«Бізде бірінші курс студенттері философия сынды пәндерді міндетті пән ретінде оқиды. Ал Америкада мұндай пәндер мектепте оқытылады. Университетте тек мамандыққа қатысты пәндерді оқу міндеттеледі. Ал оқуды аяқтар тұста бағыт-бағыт бойынша, өздеріне керек пәндерді таңдап алады».

«Америкада газет-журналдар өзін-өзі қаржыландырады. Олар аудиториямен жақсы жұмыс істейді. Мысалы, бір газетті екі үй оқиды делік. Оның бірі газетті жай парақтайды да қоя салады, екіншісі оның бірнеше мақаласын оқиды. Газет шығарушылар осының барлығын ескереді. Маркетингтік жұмыс аса жетілген ол жақта»,-дейді Айтмұхамбет Оразбаев.

Бөлісу