Басты Жаңалықтар «Дакар-2014» жарысында қазақстандық көлік өртеніп кетті

«Дакар-2014» жарысында қазақстандық көлік өртеніп кетті

08.01.2014 10:15

Аргентинада өтіп жатқан «Дакар-2014» ралли-марафонына қатысып жатқан қазақстандық спортшылардың көлігі жарыстың екінші кезеңінде өртеніп, түгі қалмай жанып кетті, деп хабарлайды sport.gov.kz.

Жарыстың екінші күні спортшылар 789 шақырымдық бәсекеге шыққан. Бауыржан Исабаев пен Ғабдолла Әшімов басқарған «Proto Overdrive» жол талғамайтын көлігінен орта жолда өрт шыққан. Көлік түгелдей өртеніп кеткен, ал жүргізушілері дін аман.

Еске сала кетейік, «Дакар-2014» жарысына Қазақстаннан барлығы 4 экипаж қатысты. Екінші кезеңнің нәтижесі бойынша, Айдын Рахымбаев пен Владимир Демьяненко басқарған көлік мәреге 31-ші болып жетсе, Денис Березовский мен Игнат Фальковтың көлігі 66-шы болып келді.

Ал жүк көліктер сынағында Артур Адавичус, Алекесей Никижев пен Радим Каланекалардан құралған экипаж мәреге 26-шы болып жетті.

Бөлісу