Қайтарылған активтер есебінен 39 әлеуметтік нысан ашылды

Биыл мемлекеттен заңсыз шығарылған активтердің 40 млрд теңгесі қайтарылды. Арнаулы мемлекеттік қордың қаражаты есебінен 39 әлеуметтік нысан пайдалануға берілді. Бұл туралы Бас прокуратураның кеңейтілген алқа отырысында айтылды. Заңсыз активтерді қайтару агенттігі Президент тапсырмасымен инвесторлардың құқығын қорғау комитеті болып қайта құрылғаны белгілі. Қазір прокурорлардың сүйемелдеуінде 3 мыңнан астам инвестициялық жоба бар. Ол жобаларды жүзеге асыру аясында 600 мыңнан астам жаңа жұмыс орнын ашу жоспарланып отыр. Халықаралық ынтымақтастықты дамыту жұмыстары да жалғасып жатыр.