Қазгидромет ескертеді: Еліміздің басым аймақтарында аяз күшейеді

«Қазгидромет» РМК еліміздің бірқатар өңірінде ауа температурасының күрт төмендеуіне байланысты ескерту жариялады.

4-5 қаңтар күндері Қостанай, Ақтөбе, Ақмола, Солтүстік Қазақстан, Павлодар, 4-6 қаңтар күндері Қарағанды, 5-6 қаңтарда Шығыс Қазақстан облыстарында ауа температурасы күрт төмендейді, түнде -30,-35, кей жерлерде -38 градусқа дейін, күндіз -23,-28, кейбір аймақтарда -31 градусқа дейін суытады.

4-6 қаңтар күндері Қызылорда облысында түнде -20,-25, кей жерлерде -30, күндіз -15,-20, кейбір жерде -23 градус аяз болады.

5-6 қаңтарда Алматы, Жамбыл, Оңтүстік Қазақстан облыстарында түнде -15,-20, кейбір аймақта 25, күндіз -10,-15, бірқатар жерде -18 градусқа дейін температура төмендейді деп болжануда.