Жаңалықтарды Telegram арнамыздан оқыңыз!Астанада бүгін қызылша ауруы болуы мүмкін деген күдікпен 105 бала және 42 ересек адам ауруханаға жатқызылды. Бірақ, сала мамандары жағдай тұрақты әрі бақылауда екенін айтты. Жалпы, қызылша 2-3 жыл сайын асқынып, қараша мен наурыз аралығында қозатын ауру. Оның негізгі белгілері дене қызуы 38-40 градусқа дейін көтеріліп, жөтел тұмауға ұласады. Әрі қарай бөрту басталады. Сол кезде дереу дәрігерге қаралған дұрыс. Қалада осы жұқпалы аурудан қараша айынан бері 500-ден астам жеткіншек жазылып шықты. Дені 1 жасқа толмаған сәбилер. Өйткені, оларға вакцина салынбайды. Сондай-ақ, аталған аралықта жасы 30-дан асқан 122 адам емделген. Олардың да қызылшаға қарсы егілмегендері анықталды.
Сәдуақас Байғабұлов, қалалық Қоғамдық денсаулықты қорғау департаментінің басшысы:
- Бұл классикалық түрі. Еш қаупі жоқ. Ем тек 7-8 күн жүргізіледі, жеңіл түрде өтеді. Ауруханалар стандартты жағдайда жұмыс істеп жатыр. Жағдай тұрақты. Ал, кеңесім ата-аналар вакцинация жасатып, балаларын егуден өткізсін.
Нысаналы ЫҒЫЛ
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
