Жаңалықтарды Telegram арнамыздан оқыңыз!Жыл басынан бері менингококк инфекциясынан 15 адам қайтыс болған. Бұл туралы Денсаулық сақтау министрлігінен хабарлады. Мамандар минингиттің менингококкты, іріңді және сероздық деп аталатын үш түрі бар екенін айтты. Қазір бірен-саран тіркеліп жүргендері сероздық минингитке жатады және ол адам өміріне қауіп тудырмайды. Қазір сероздық менингит бойынша Астанада 7 бала мен бір үлкен адам ем қабылдап жатыр. Дәрігерлер аурудан сақтану үшін қолды жиі жуып жүруді және жеміс-жидекті жуып жеуді әдетке айналдыруды ескертті. Сондай-ақ, жылы киініп, иммунитеттің әлісіреп кетпеуін қадағалау маңызды екенін айтты.
Лаура Ахметниязова, ҚР ДСМ комитет төрағасының орынбасары:
- Менингококкты инфекция жыл басынан бері 85 адамда расталды. Оның 51-і Алматы қаласы мен Алматы облысында тіркелді. Қазір жағдай тұрақты. Менингококкты инфекция бойынша 100 мың адамға шаққанда 0,5 адамнан келіп тұр. Бұл шектік мәннен 4 есе аз.
Дулат АБИБУЛЛАЕВ
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
