Маңғыстау емханалары электрондық кезекке өтті

Енді мамыр айынан бастап Ақтау қаласының тұрғындары «Даму мед» қосымшасы арқылы дәрігерге жазыла алады. Жобаның басталғанына бір ай болса да, жүз мыңнан астам адамның амбулаторлық картасы ортақ базаға енгізілген. «Бұл қағазбастылықтан арылтып, кезектерді азайтады», - дейді мамандар. Ол үшін «Даму мед» қосымшасын жүктеп , ЖСН мен телефон нөмірін теру керек. 

Айжан Нұрлина, Ақтау қалалық №2 емханасы директорының орынбасары:

- Бұл бастама бәріне тиімді. Науқастарға да, дәрігерге де. Кезектер азаяды. Ең бастысы, жазу қысқаратын болды. Бірте-бірте амбулаторлық карта болмайды. Енді науқастар қалың карталарымен жүрмейді. Қазір мамандар тұрғындарға түсіндіріп жатыр.

Айсара АЙТМАН