Жаңалықтарды Telegram арнамыздан оқыңыз!Бүгін Астанадағы «Ана мен бала» орталығында «Онкология-3» бөлімшесі ашылды. Мұнда аты жаман ауруға шалдыққан бүлдіршіндер емделеді. Қайта жөндеуден өткен бөлімше бөлмелері мен дәлізі түрлі-түсті, қызықты суреттермен безендірілген. Шетелден жеткізілген жиһаздары да талапқа сай. Игі істі еріктілер өз күшімен іске асырды. Мекеме тарапынан ешқандай қаржы жұмсалмаған. Шара соңы мерекелік концертке ұласып, Астана циркінің артистері сырқаты ауыр сәбилерді күлкіге қарқ қылды. «Бұл науқас балалардың көңілін көтеріп, алып жатқан емінің шипасын арттырады», – дейді, мамандар.
Досымжан ЕРМҰРАТ
