Ақтөбелік Айжан Есмаханова дәрігерлердің салғырттығынан баласының аяғынан тұра алмай қалғанын айтады

«Дәрігерлердің салғырттығы сау баламды сал етті». Ақтөбелік Айжан Есмаханованың осылайша әділеттік іздеп жүргеніне - 3 жыл.

Осы күнге дейін еш жерден қолдау таппай келген соң бүгін БАҚ өкілдерінен көмек сұрауға мәжбүр болған.

Айжан Есмаханова баласының суреттеріне қараған сайын еріксіз егіліп жылайды. Бұрын үйдің шырайын кіргізіп, асыр-салып жүрген Самғатының енді үні шықпайды. Басқа балалармен де ойнауды қойды. Өз бетінше тұрып жүрмейді, тамақты да өз қолымен жей алмайды.

Айжанның айтуынша, баласын мұндай халге жеткізген дәрігерлердің салғырттығы.

Енді баласына қатысты істі Жоғарғы сотқа жөнелтпек. Әділеттік іздеген ана баласының енді бұрынғыдай болмасын білсе де, «кінәлілер жазасын алса», дейді.

Айдана ҮСЕНБАЙ