Мектеп оқушылары арасында кәсіптік бағдар беру жұмыстары жүріп жатыр

Шығыс Қазақстанның жоғары оқу орындарының қызметкерлері аудандарды аралап, оқушылар арасында кәсіптік бағдар беру жұмысын бастады. Негізгі мақсат - жастарға дұрыс мамандық таңдауға жәрдемдесу. Алтай ауданына барған университет өкілдері 11-сынып оқушыларымен кездесіп, қазір қандай мамандарға сұраныс жоғары екенін айтып берді.

Балалар сол мамандықтардың ерекшеліктерімен танысып, қонақтарға өздерін қызықтырған сауалдарын қойды. Жалпы, Алтай ауданында соңғы 3 жылда отандық жоғары оқу орнына түскен түлектер саны едәуір артқан.

Меруерт Қалымжанова, 11-сынып оқушысы:

- Кездесуде мен барлық сұрақтарыма жауап алып, өзімнің мамандығымды нақты таңдаған сияқтымын. Ендігі мақсатым - Қазақстанда қалып, білім алып, еліме пайдасы тиер бір маман иесі атану.

Әлия Өскенбай, С.Аманжолов атындағы ШҚМУ университетінің деканы:

- Бүкіл облысты аралап шығуға тырысамыз. Өйткені біз жастарға жан-жақты қолдау көрсетіп, дұрыс мамандық таңдауына көмек көрсетуіміз керек. Оған бейжай қарауға болмайды. Ұлттық бірыңғай тестілеуге қатысты жаңалықтарды да түсіндіру - біздің мақсатымыз.

Берік КӨШЕРБАЙ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.