Петропавлда «Серпін» бағдарламасы бойынша республикалық байқау басталды

Петропавлда «Серпін» бағдарламасы бойынша оқып жатқан студенттер арасында алғашқы республикалық байқау өтуде. 2 күнге жалғасатын кәсіби шеберлік додасы 9 өңірден келген студенттердің басын қосты. Олардың барлығы - батыс, шығыс, орталық және солтүстік  өңірлерде білім алып жүрген оңтүстіктің жастары.

Елімізде 3 жыл бұрын бастау алған әлеуметтік бағдарлама аясында бүгінде 15 мыңға жуық жас тегін білім алуда. Солтүстік Қазақстанда бағдарлама бойынша 1190 студент оқып жүр. Ал, «Мені шыңдаған серпін-2017» байқауында 100-ден астам білімгер бақ сынауда. 

Еламан Беков,  Батыс Қазақстан облысы командасының мүшесі:

- Мұнда жеңу, жеңілу мақсат емес, білім, тәжірибе арттыру үшін келеді.