Назарбаев Университетінде білім алып жатқан студенттердің 90 пайызы қазақтар

Оқу орнына өзге де ұлттар мен көрші ел азаматтарын көптеп тарту керек. Бұл туралы бүгін Қазақстан халқы Ассамблеясы мен Университет бірігіп өткізген Орта Азия ғылыми-сарапшылық кеңесінің жиынында айтылды. Ол үшін оқу орны туралы ақпараттандыру мен үгіт-насихат жұмыстарына Ассамблея мен оның құрылымдық бөлімдерін жұмылдыру жайы сөз болды.

Айта кетейік, Назарбаев Университеті 8 жыл бұрын ашылды. Қазір онда 450-ге жуық оқытушы қызмет етеді. Оның 80 пайызға жуығы 55 елден келген оқытушылар. Жиында Орта Азия сарапшылары мәдени мұраны пайдаланудың халықаралық тәжірибесін талқылап, университеттің тыныс-тіршілігімен танысты. Олардың ішінде көрші елдердің беделді оқу орындарының ғалымдары да бар.

Дулат АБИБУЛЛАЕВ