Жаңалықтарды Telegram арнамыздан оқыңыз!Мектеп оқушылары арасында «Менің елім» әлеуметтік бағдарламасы аясында ұлттық инновациялық жобалар олимпиадасы басталды. Бұл туралы «Қазақстан-2050» қозғалысының өкілдері мәлімдеді. Олимпиадаға еліміздің барлық өңірінен 6-11 сынып аралығындағы оқушылар қатысады алады. Оқушылар негізгі төрт бағыт: «Жасыл энергетика», «ІТ», «Тұрмысқа пайдалы өнертабыстар» мен «Робототехника» бойынша бақ сынайды. Олимпиадаға қатысушылар өз жұмыстарын қазанның 15-не дейін ұсына алады. Жүлделі орын алған 10 жобаның авторларына білім сертификаттары беріледі. Жобаның мақсаты - балалардың инновация және бағдарламалауға деген қызығушылығын оятып, болашақ талапкерлер арасында техникалық мамандықты таңдауды насихаттау.
