Ұлттық бірыңғай тестілеудің қорытындысы өткен жылғыдан 2,6 пайызға жоғары

Биыл республика бойынша Ұлттық бірыңғай тестілеудің орташа көрсеткіші - 79,5 балды құрады. Бұл - өткен жылмен салыстырғанда 2,6 пайызға жоғары.

Бұл туралы бүгін ҚР Білім және ғылым министрлігі Білім және ғылым саласындағы бақылау комитетінің төрағасы Саят Нүсіпов айтты.

Оның айтуынша, тест тапсырушы түлектердің 17,4 пайызы 100-ден жоғары балл алып, «Алтын белгіні» ақтаған түлектердің саны 2 000-нан асқан.

Айта кетейік, биыл еліміз бойынша 124 346 оқушы мектеп бітіріп, оның 82 мыңы ҰБТ тапсырды. 

Айдана ҮСЕНБАЙ