«Таңшолпан». 2017 жылғы Қазақстан барысы Еламан Ерғалиев: Тәжірибелі палуандарға қарсы шығу оңай соққан жоқ (ВИДЕО)

«Қазақстан барысы 2017» турнирінің бас жүлдегері Еламан Ерғалиев, күміс жүлдегер Ұлан Рысқұл және қола жүлдегер Айбек Нұғыманов бағдарлама қонақтары болды.

«Дода мен үшін қиын болды. Тәжірибелі палуандарға қарсы шығу оңай соққан жоқ», - дейді Еламан Ерғалиев.

Сондай-ақ, турнир барысында көрермендер ағайындылардың жекпе-жегіне аса назар аударды. Олар Ұлан Рысқұл мен Руслан Әбдіразақов.

«Осымен екінші рет өз жекпе-жекте бауырыммен кездестім. Бірінші рет 2011 жылы ширек финалда кездестік. Ол кезде де осы жолы да інім жолын маған берді», - дейді Ұлан Рысқұл.

«7-8-9 қыркүйекте Астанада «Әлем барысы» өтеді. Осыған орай қазір Семей қаласында іріктеу өтеді. Турнирге 1-ші орын алған палуандап ғана өтеді», - дейді  Айбек Нұғыманов.