Қанат Ислам мексикалық Норберто Гонсалеске қарсы өткізген жекпе-жекте жеңіске жетті (ВИДЕО)

Қазақстандық боксшы Қанат Ислам мексикалық Норберто Гонсалеске қарсы өткізген жекпе-жекте жеңіске жетті. Қолғап түйістірген боксшылар арасындағы жұдырықтасу 12 раундқа созылып, төрешілер шешімі бойынша отандасымыздың жеңісімен аяқталды. 

Бұл - жекпе-жек Қанат Исламның кәсіпқой рингтегі 24-ші жекпе-жегі. Қазақстандық боксшы 24 жұдырықтасуының біреуінде де жеңіліп көрмеген және 19-ын нокаутпен аяқтаған. 

Қанат Ислам мен Норберто Гонсалес арасындағы жекпе-жек АҚШ-тың Бока-Ратон қаласында өтті. Бұл боксшылар кездесуін тікелей эфирде көрсеткен «Қазақстан» және  «Kazsport» телеарналары.