Жаңалықтарды Telegram арнамыздан оқыңыз!
Норвегияның Тронхейміндегі «Леркендель» стадионында өткен кездесудің негізгі уақытысында ойын 2:2 есебімен аяқталды. Ал, қосымша уақытта мадридтіктер жеңіс голын соқты.
Тартысты ойынның 21-ші минутында «Реал» сапында алғашқы матчын өткізген 20 жастағы Марко Асенсио есеп ашты. Алайда, үзіліске дейін «Севилья» есепті теңестіре алды. Гол авторы – Франко Васкес.
Кездесудің екінші таймы да нәтижелі болды. Ойынның 71-ші минутында Серхио Рамос өз айып алаңында ереже бұзып, төреші 11 метрлік айып соққысын белгіледі. Пенальтиді украиндық футболшы Евгений Коноплянка дәл орындап, өз командасын алға шығарды. Алайда, матчтың 94-ші минутында Рамос гол соғып, командасын жеңілістен құтқарып қалды.
Бірінші қосымша тайм «Севилья» ойыншысы Тимоти Колоджейчиктің 95-ші минутта алаңнан қуылуымен есте қалды.
Матч нәтижесі 119-шы минутта шешілді. Шешуші гол авторы «Реал» қорғаушысы «Дани Карвахаль атанды.
Айта кетсек, бұл - «Реал» тарихындағы үшінші УЕФА Суперкубогы. Бұған дейін корольдік клуб УЕФА Суперкубогін 2002 және 2004 жылдары жеңген еді.
