Франция мен Португалия президенттері Еуро-2016 финалына қатысады

Франция президенті Франсуа Олланд пен Португалия президенті Марселу Ребелу де Соуза футболдан Еуропа чемпионатының финалдық матчына мәртебелі қонақ ретінде қатысады, деп хабарлайды УЕФА.

Сонымен қатар, Франция-Португалия ойынына Монако князьі Альбер ІІ, ОАР президенті Джейкоб Зума, ФИФА басшысы Джанни Инфантино, УЕФА вице-президенті Анхель Мария Вильяр қатысады деп күтілуде. 

Еске сала кетейік, Францияның Сен-Дени қаласында өтетін матчты Қазақстан Ұлттық телеарнасы сағат 00:50-де тікелей эфирде көрсетеді.