Еуро-2016. Франция құрамасы финалға шықты

Еуропа чемпионатының жартылай финал кезеңіндегі Германия мен Франция құрамаларының арасындағы соңғы ойын аяқталды.

Бұл ойында Франция құрамасы Германияны 2:0 есебімен ұтты. Бірінші таймның соңғы минутында Антуан Гризман 11 метрлік айып добынан есепті  ашса, екінші таймның 72-ші минутында есепті 2:0-ге жеткізді.

Сөйтіп, Антуан Гризманның 2 голы  Франция құрамасын финалға шығарды. Финалда Франция құрамасы Португалиямен ойнайды.

Айта кетейік, Еуропа чемпионатының финалын 10-шы шілде күні «Қазақстан» Ұлттық телеарнасы тікелей эфирде көрсетеді.