Басты Жаңалықтар Қарағандыдағы мерекелік шара «Мәңгілік алау» монументінен басталды

Қарағандыдағы мерекелік шара «Мәңгілік алау» монументінен басталды

09.05.2014 05:30

Руслан Нұрланұлы, тілші:

Жеңістің 69 жылдығын қарағандылықтар да тойлауда. Мерекелік шара дәстүрлі түрде кеншілер шаһарындағы «Мәңгілік алау» монументінен басталды.

ІІ Дүниежүзілік соғыстың ардагерлері, жергілікті билік өкілдері мен жиналған қауым елге қайтпаған боздақтарды 1 минут үнсіздікпен еске алды. Осыдан соң сөз алған ардагерлер өз естеліктерімен бөлісті. Жұрт ескерткішке гүл шоқтарын қойды.

Мағзұм Ағыбаев, ІІ Дүниежүзілік соғыс ардагері:

Әрбір атылған 10 оқтың 9-ы Қазақстанда өндірілген қорғасын мен жезден жасалған. Қажымұқан батыр өзінің қаржысына ұшақ сыйлады.

Ал, мерекенің негізгі бөлімі қаладағы «Жеңіс» саябағында жалғасын тапты. Мұнда әскери техникалар қойылып, сарбаздар майдан көріністерін сомдады. Бұдан тыс, жұртшылық солдат ботқасы мен басқа дәмдерден ауыз тиді. Жергілікті өнерпаздар мен эстрада жұлдыздары мерекелік концерт қойды.

Руслан Нұрланұлы, тілші:

Міне, дәл осындай іс-шара облысымыздың барлық аудан, қалаларында өтуде.

Руслан НҰРЛАНҰЛЫ

Бөлісу