«Таңшолпан». «Экспо-2017» көрмесіндегі Қазақстанның павильонына саяхат (ВИДЕО)

«ЭКСПО» қалашығындағы ең биік әрі кең павильон – ұлттық «Нұр-әлемі» шары. Ол сегіз қабаттан тұрады. Бағдарлама тілшілері бүнін сіздерді бірінші қабатпен таныстырады.

Павильонның бұл бөлігінде Астана қаласының нышаны - «Бәйтерек» монументінің тарихы LED экранында 3D форматта көрсетіліп тұрады. Оның жанына самұрық құстың алтын жұмыртқасы орналасқан алып бәйтеректің макеті тұр.

Сәл жүрсеңіз, адырна аспабының үлгісін көресіз. Оның әр шегіне қазақтың 22 күйі енгізілген. Шекті ұстағанда 10 секундтық күй ойнайды.

Ал, павильонда күні бойы шоу көрсетіледі. Сондай-ақ ғимаратта қазақстандық ғалымдардың, студенттердің жобалары шоғырланған.