Басты Жаңалықтар Бразилиядағы Әлем чемпионатының топтық кезеңдері аяқталды

Бразилиядағы Әлем чемпионатының топтық кезеңдері аяқталды

29.06.2014 08:30

Бүгін жанкүйерлердің назарын аударған бәсеке – «Қазақстан Барысы». Бірақ, Бразилиядағы футбол жарысы да көпшілікті елеңдетіп отырған дода екені ақиқат. Сөйтіп, ұйқымызды ұрлап, мазасыз түндер сыйлаған әлемдік доп додасындағы топтық кезеңдері аяқталды.

Биылғы чемпионат өзі ғаламат, ғажайып сенсацияларға толы болды. Елеусіз Коста-Рика 1/8 финалға өтіп, айды аспанға шығара жаздады. Чемпион құрама - Испанияның футболшылары салы суға кетіп, елдеріне қайты, Еуропаның вице-чемпионы Италия да солай.

Ал ағылшындар 56 жылдық тарихында алғаш рет 1/8 финалға шыға алмай, бармақтарын тістеп қалса, тісі қышып жүрген уругвайлық Суарес италияндық әріптесін тістеп алып, тоғыз бірдей матчтан шеттетілді. Тізе берсек, чемпионат қызыққа толы.

Ал кеше 1/8 ойындар басталды. Бразилия мен Чили арасындағы, Колумбия пен Уругвай арасындағы жан алысып, жан беріскен ойынды өздеріңіз көрдіңіздер. Ал бүгінгі матчтардың аңдатпасы мынадай. Кешкі 22.00-да Нидерланды-Мексика, түнгі 00.00-де Коста-Рика мен Грекия футболшылары кездеседі.

Ойындарды біздің Ұлттық арна мен «KAZsport» көрсетеді.

Бөлісу