Ұлыбританияның Дербшир графтығында өзен бөгеті бұзылды

5 мыңдай адам эвакуацияланды. Тоддбрук су қоймасындағы бөгеттің біраз бөлігі зақымдалған. Оған бірнеше күн бойы толассыз жауған нөсер себепші. Резервуардың сыйымдылығы – 1 миллион куб метрден астам. Егер ол жарылса, жергілікті Гойт өзені арнасынан тасып, қаланы су басады деген қауіп бар.

Жергілікті синоптиктердің хабарлауынша, сәрсенбі күні бір сағатта 50 мм жаңбыр жауған. Соның салдарынан, Британияның солтүстігін тасқын жайлап, жолдарды су шайып, көпірлер қирады. Бұл жағдай қазір қала тұрғындарын эвакуациялауға кедергі келтіріп отыр.

Жансая ҚАПАСҚЫЗЫ