Жаңалықтарды Telegram арнамыздан оқыңыз!Бұл туралы елдің бас прокуратурасы хабарлады. Экс-президентке жемқорлық ісі бойынша айып тағылып отыр. Болжам бойынша, ол бразилиялық "Одебрехт" құрылыс компаниясына тендерді жеңіп алуға көмектесіп, одан 20 миллион доллар алған.
Дегенмен, Толедо бұл айыптарды жоққа шығарып отыр. 73 жастағы экс-саясаткер елді 2001-2006 жылдары басқарды. Ал қылмыстық іс қозғалған соң, ол елден қашып кеткен. Қазір Перу Вашингтоннан айыпталушыны елге экстрадициялауды сұрап отыр.
Бұған дейін атышулы Одебрехт ісі бойынша елдің бұрынғы басшысы Пабло Кучински тұтқындалған еді. Ал тағы бір экс-президент Алан Гарсия полиция тұтқындауға келгенде өзіне қару жұмсап, мерт болған.
Жансая ҚАПАСҚЫЗЫ
