Жаңалықтарды Telegram арнамыздан оқыңыз!Бүгін Францияда Еуропа футбол қауымдастықтары одағының бұрынғы басшысы Мишель Платини тұтқындалды. Жергілікті ақпарат құралдарының мәліметінше, УЕФА-ның экс-президенті 2022 жылы Әлем чемпионатын өткізетін елді таңдауда коррупцияға жол берді деген күдікпен ұсталса керек. Айта кетсек, бұл турнирді қабылдау құқығын Катар жеңіп алғаны белгілі. Алайда, ФИФА-ның тәуелсіз комиссиясы тергеу жүргізіп, чемпионат өтетін мемлекетті таңдауда жемқорлық фактілерін анықтай алмады.
63 жастағы Платини УЕФА-ны 2007-2015 жылдары басқарды. Содан кейін ол ФИФА-ның басшысы Йозеф Блаттерден 2 миллион швейцар франкі көлемінде пара алды деп айыпталды. Алайда, Платини де, Блаттер де өздеріне тағылған кінәні мойындаған жоқ.
Арыстан РЫСБЕК
