Ресей Президенті Владимир Путин мен Қытай басшысы Си Цзиньпин 25 сауда келісіміне қол қойды

Екі ел арасындағы қарым-қатынасты одан әрі нығайту көзделіп отыр. Айта кетсек, 2018 жылы Ресей-Қытай сауда айналымы 100 миллиард доллардан асқан. Сондықтан, Владимир Путин бұл бағыттағы жұмыстарды жалғастыру қажет деді.

Мәскеуде өткен кездесу барысында мемлекет басшылары халықаралық проблемаларды, қауіпсіздік және экономика мәселелерін де талқылады.  Сонымен қатар, Сирия және Венесуэла жағдайы бойынша серіктестікті жалғастыру келісілді.

Си Цзиньпин Ресей мен Қытай қарым-қатынастарының жоғары деңгейде екенін айтып, жаңа жобалардың сәтті болатынына сенім білдіріп отыр.