Ұлыбританияда учаскенің жабылуына 2 сағатқа жуық уақыт бар

Ұлыбританияда Құрылтай сайлауы әлі жүріп жатыр. Өйткені Лондон Астана уақытынан 4 сағат артта. Демек учаскенің жабылуына 2 сағаттай уақыт бар. Бүгін әсіресе «Болашақ» бағдарламасымен білім алып жатқан студенттер қауымы белсенді. Тұманды Альбионда олардың саны 250-ден асып жығылады. Жалпы, елшіліктің консулдығында Қазақстан Республикасының мың жарымнан астам азаматы есепте тұр. Олардың 300-дейі ел тарихындағы ең тартысты науқанға қатысуға ниет білдірген. Тіркеліп үлгермегендері де елшілікке барып, заңнамада белгіленген талаптарға сәйкес дауыс берді.

Әсем Қоңырқанова, «Болашақ» стипендиясының иегері:

Бұл - менің міндетім, азаматтық міндетім. Сондықтан да Лидс қаласынан 5 сағаттық жол жүріп, Лондон қаласына, елшілікке сайлауға дауыс беруге келдік.