Суданда шерушілерді күшпен тарату кезінде қаза тапқандардың саны 108-ге жетті

40-тан астам мәйіт Ніл өзенінен табылған. Соған қарамастан демонстрациялар жалғасып жатыр.

Оппозиция сәуірде Омар әл-Башир режимі құлағаннан кейін билікке келген генералдарды бейбіт манифестанттарды қырғынға ұшыратты деп айыптап отыр. Алайда, армия өкілдері қантөгісті тәртіпке көнбейтін элементтер ұйымдастырды деп мәлімдеді.

Суданда әл-Башир үкіметіне қарсы наразылық акциялары желтоқсанда басталды. Қазір оппозиция оның орнына келген әскерилерді басшылықтан кетіруге күш салып жатыр.

Арыстан Рысбек